Sunday, May 26, 2024
No menu items!

एन्फा विवाद : प्रवक्ता राईको राजीनामा

पछिल्लाे समाचार

काठमाडौं : अखिल नेपाल फुटबल संघ (एन्फा) मा चल्दै आएको विवादले सोमबार फेरि अर्को मोड लिएको छ। विवादकैबीच एन्फा केन्द्रीय सदस्य किरण राईले प्रवक्ताको जिम्मेवारीबाट राजीनामा दिएका छन्। प्रवक्ता राईले सोमबार एन्फा अध्यक्ष कर्माछिरिङ शेर्पालाई राजीनामा पत्र बुझाएका छन्। 

नेपाली राष्ट्रिय फुटबल टोलीका मुख्य प्रशिक्षक अब्दुल्लाह अलमुताइरीको राजीनामा प्रकरणमा असन्तुष्ट रहेका राईले प्रवक्ताको जिम्मेवारीबाट हट्ने निर्णय गरेका हुन्। अलमुताइरीले एन्फा वरिष्ठ उपाध्यक्ष पंकजविक्रम नेम्वाङमाथि आरोप लगाउँदै राजीनामाको घोषणा गरेपछि प्रवक्ता राई असन्तुष्ट देखिएका थिए। सोमबार प्रवक्ताबाट राजीनामा दिएलगत्तै राईले एन्फाको तत्काल चुनावको समेत माग गरेका छन्। वर्तमान फुटबलमा देखिएको विवादको समाधान चुनावबाट मात्र सम्भव भएकाले उनले ‘अर्ली’ चुनावको माग गरेको बताएका छन्।

‘एन्फामा देखिँदै आएको विवादको समाधान अहिले हाम्रो हातमा छैन। अहिले चलिरहेको शक्ति संघर्षको समाधान भनेको चाँडोभन्दा चाँडो जिल्ला र प्रदेश अधिवेशन सकेर ६–७ महिनाभित्र नयाँ चुनाव गर्नुपर्छ’, राईले भने, ‘फुटबलमा पछिल्लो समय जालझेल र षड्यन्त्र उत्कर्षमा पुगेकाले फुटबलको विकासमा नराम्रो असर पुर्‍याउँछ। त्यसैले हामीले हिलो छ्यापाछ्यापलाई अन्त्य गर्नुपर्छ।’ 

अन्नपुर्णपोष्ट डटकम बाट

spot_imgspot_img
spot_img

लोकप्रिय

थप शिर्षकहरु