सप्तरी,९ भदौ //
खेतमा जमेको पानीमा डुबेर सप्तरीमा एक बालिकाको मृत्यु भएको छ।
मृत्यु हुनेमा सप्तरीको हनुमाननगर कंकालिनि नगरपालिका-१० ईनर्वा बस्ने रामलखन खंगको अढाइ वर्षकी छोरी अञ्जलीकुमारी मण्डल रहेका छन्।
बुधबार बिहान उनको घरदेखि २ सय मिटर उत्तरमा रहेको स्थानीय कमल मण्डलको खेतको छेउमा रहेको खाली जग्गामा जमेको पानीमा डुबेर अञ्जलीको मृत्यु भएको सप्तरी प्रहरीले जनाएको छ ।
मृतक बालिकाको आमाले शव डुबेको अवस्थामा देखेपछि पानीबाट बाहिर निकालेको सप्तरीका प्रहरी प्रवक्ता तथा डीएसपी माधवप्रसाद काफ्लेले जानकारी दिएका छन्।
मृतक बालिकाको शव पोस्टमार्टमका लागि अस्पताल पठाइएको र घटना सम्बन्धमा थप अनुसन्धान भइरहेको डीएसपी काफ्लेले बताए ।
