रौतहट ५ भदौ /परोहा नपाको बसन्तपट्टीटोल घर भएका एकव्यक्तिको भारतको मोतिहारी नजिकै हत्या भएको छ ।
तत्कालीन बसन्तपट्टी गाविस का अध्यक्ष जोगिन्द्र सहनीका छोरा अन्दाजी ४५ बर्षको बिर्वासनी भनिने बिन्दवासिनी सहनीको हत्या भएको तस्बिर सार्वजनिक भएको छ ।
शुक्रवार बिहान भारतको पूर्वी चम्पारण मोतिहारी जिल्लाको चम्पापुर बखरी नजिकै बाइकमा यात्राा गरीरहेका सहनीलाइ गोली हानी हत्या गरेको बताइएको छ । उनको शव सडक किनारमा धान खेतमा भेटीएको छ ।
विभिन्न अपराधिक घटनामा संलग्न रहेको आरोपमा सहनी भारत बस्दै आएका थिए ।
सहनीको घाँटी, कन्चटमा गोली हानेर हत्या गरिएको छ । सहनीको शव संगै उनले प्रयोग गरेको मोटरसाइकल समेत बरामद भएको थियो ।
सहनी विगत बर्षौ अघि देखि नै नेपालमा अपराधी कृयाकलाप मा सलग्न रहेको आरोपमा भारतमै बस्दै आएका थिए ।
पछिल्लो बर्षहरुमा प्रहरीको खोजीको सुचीमा रहेका सहनीको हत्या भएको हो । हत्या, अपहरण, फिरौती लगायतका मुद्दा को आरोपमा सहनी नेपाल भारत सिमा देखि २० किलोमिटर दक्षिण चम्पापुर बखरीमा लुकेर बस्दै आएका थिए ।
द्घन्दकालमा नेपाल प्रहरीको सहयोगी ( घुमुवा) बनेर माओवादी समर्थक तथा कार्यकर्तालाई दुखदिने, हत्या समेत गर्न लगाएको आरोप उनी माथी माओवादीले लगाएका थिए । सहनी लाई अदालतले २० बर्ष सजाय समेत सुनाएको थियो ।
घटनाको बारेमा नेपाल प्रहरीले शनिवार बिहान सम्म केही बताएको छैन ।
