रौतहट,२१ भदौ //
रौतहटको गुजरा नगरपालिकामा संचालित जिल्ला स्तरिय नकआउट फुटवलको उद्घाटन खेलमा पशुपति युवा क्लव जंगलसहिया विजयी भएको छ ।
आईतबार यूनाईटेड यूवा क्लव गुजरा–२ कटानीको आयोजनामा संचालित फुटवल प्रतियोगितामा यूनाईटेड यूवा क्लव कटानी– बी टीमलाई हराउदै पशुपति युवा क्लव जंगलसहिया विजयी भएको हो ।
गुजरा नगरपालिकाका निमित्त प्रमुख प्रशासकिय अधिकृत बिनोद कुमार जयसवालले भदौ २० गते देखि २७ गते सम्म संचालन हुने उक्त फुटवल प्रितियोगिताको उद्घाटन गरेका थिए ।
उद्घाटन कार्यक्रमका प्रमुख अतिथि समेत रहेका जयसवालले फुटवल खेलले गुजरा नगरपालिकालाई राष्ट्रिय स्तरमा चिनाएकोमा गर्व गरेका थिए ।
साथै अगामी दिनमा फुटवल लगायत अन्य खेलकुद विकासका लागि आफू लागिपर्ने प्रतिबद्धता जनाएका थिए। कार्यक्रममा प्रमुख अतिथि बिनोद कुमार जयसवाल , विशिष्ट अतिथि भगवान दर्लामी, युवा नेता पलट चौधरी, वडा अध्यक्ष अशोक चौधरी, पवन राज गिरी तथा अथितिहरुमा ईश्वर प्रधान, राजु बल तामांग लगाएतको उपस्थिति रहेको थियो।
जिल्ला स्तरिय नकआउट फुटवलको उद्घाटन खेलमा पशुपति युवा क्लव जंगलसहिया विजयी
