भदौ २७
नक्कली नेपाली नोटको कारोबार गरेको आरोपमा बारा र रौतहट गरि ५ जनालाई प्रहरीले पक्राउ गरेका छन् ।
भारतमा नोट बनाई नेपालमा सोही नोटको कारोबार गर्ने काममा संलग्न रहेको आरोपमा बाराको निजगढबाट ४ जना र रौतहटको चन्द्रनिगाहपुरबाट १ जना गरि ५ जना नक्कली र सक्कली नोटसहित पक्राउ परेका जिल्ला प्रहरी कार्यालय बाराले जनाएका छन् ।
रौतहटमा पक्राउ परेका १ जनालाई बारा लगिएको छ ।
पक्राउ परेकाहरुको साथबाट नेपाली एक हजार दरका नक्कली र सक्कली नोट गरी झण्डै ९३ लाख रुपैयाँ बरामद भएको र पक्राउ परेका सबैलाई जिल्ला प्रहरी कार्यालय कलैया बारामा राखेर थप अनुसन्धान भइरहेको जिल्ला प्रहरी कार्यालय बाराले जानकारी दिएका छन् ।
