रौतहट ,१७ असोज //
जिल्लाको गरुडा नगरपालिकाको छैटौं नगरसभा २६ जनाले बहिष्कार गरेका छन् ।
आज भएको छैठौं नगरसभामा उपमेयर रंगिलादेवी जयसवाल सहित २६ जना कार्यपालिका सदस्यले भाग नलिएर सभा बहिष्कार गरेका हुन् ।
लामो समय देखि बेथिति रहेको गरुडा नगरपालिकामा ४६ मध्ये २६ कार्यपालिका सदस्यले आजको नगरसभा बहिष्कार गरेका छन्।
नगरसभाका बारेमा मेयर र निमित प्रमुख प्रशासकिय अधिकृतले दुई थरिको सूचना जारी गरेका थिए ।
निमित प्रमुख प्रशासकिय अधिकृत महम्द मुस्ताक आलमले प्रक्रिया नपुगेको भन्दै नगरसभा स्थगित भएको सूचना जारी गरेका थिए भने नगरप्रमुख इन्नु राय यादवले नगरसभा हुने सूचना जारी गरेका थिए ।
