Friday, July 19, 2024

गरुडामा उपमेयर सहित केही वडाअध्यक्ष धर्नामा

पछिल्लाे समाचार


रौतहट १२ असार। गरुडा नगरपालिकामा बहुमत जनप्रतिनिधिलाई बेवास्था गरेर नगरसभा गरेको भन्दै उपमेयर पुनम चौधरी लगायत केही जनप्रतिनिधिहरुले कार्यालयमा तालाबन्दी गरि धर्नामा बसेका छन् ।
उपमेयर चौधरी लगायतका जनप्रतिनिधिहरूले सोमबार नै आफूहरूलाई बेवास्था गरेको भन्दै नगरसभा बहिष्कार गरी पालिकामा ताला लगाएका थिए ।
तालाबन्दीपछि नगरपालिकाको नियमित कामकाज पनि प्रभावित भएको बताइएको छ । उनीहरु मंगलबार बिहान १० बजेदेखि साँझ ५ बजेसम्म धर्नामा बसेका थिए ।
नगरप्रमुख कन्थमणि जैसवालले भने धर्नामा बसेका जनप्रतिनिधिहरुसित बारम्बार सम्वादको प्रयास गरेको बताएका छन् । साथै उनले उपमेयर लाइ आफूले कहिल्यै पनि बेवास्था नगरेको बताए ।
‘उपमेयर चौधरीको अधिकार खोसियो भन्ने आरोप सरासर झुठो रहेको मेयर जयसवालको भनाइ छ ।
नगरसभाका लागि उपप्रमुखसित पटक/पटक सल्लाह भएको मेयर जयसवालको दावी छ ।
नगरपालिकाको कार्यालयमा तालाबन्दी गर्दै उपमेयर सहित ६ वटा वडाका अध्यक्षहरु र ३१ जना सदस्यहरु धर्नामा बस्दै आएका छन ।
नगरप्रमुख कन्थमणि जैसवालले एकलौटी ढंगले बजेट चलाउन खोजेको र सहमति नै नगरी जबर्जस्ती नगरसभा गरेकाे उपप्रमुख चौधरीको आरोप छ ।
गत आइतबार नगरपालिकाको नवौं नगरसभामा ५५ करोड १६ लाख ३० हजारको बजेट तयार पारिए पनि विरोध र तालाबन्दीका कारण बजेट प्रस्तुत हुन सकेन ।
बहुमत सदस्यले नगरसभा बहिष्कार गरेपछि बजेटमाथि सोमबार हुने भनिएको छलफल कार्यक्रम अन्योल बनेको छ उपमेयर चौधरी लगायत २, ३, ६, ७, ८ र ९ नम्बर वडाका अध्यक्षहरुले नगरसभा बहिष्कार गरेका हुन् ।

spot_imgspot_img
spot_img

लोकप्रिय

थप शिर्षकहरु