Friday, June 21, 2024

तेश्रो राष्ट्रपति रनिङ सिल्ड प्रतियोगिता शुरु

पछिल्लाे समाचार


रौतहट १८ फागुन। चन्द्रपुर नगरपालिका अन्तर्गत रहेको निजी तथा सरकारी विद्यालयको सहभागिता रहेको तेश्रो राष्ट्रपति रनिङ सिल्ड प्रतियोगिता शुरु भएको छ ।
मेयर संजय कुमार काफ्लेले पानसमा बत्ति बालेर उदघाटन गरेका छन ।
उद्घाटन समारोहमा शुभकामना मन्तव्य राख्नुहुदै मेयर काफ्लेले खेलकुदमा अनुशासन प्रमुख भएपनि स्वास्थ्यका लागि खेलकुद, राष्ट्रका लागि खेलकुद भन्ने नारालाई सार्थक बनाउनका लागि पनि खेलकुदलाई प्राथमिकता दिएको बताए ।
केही प्राविधिक समस्या बाहेक नगरपालिकाले सधै खेलकुदलाई उच्च प्राथमिकता दिएको उनको भनाइ छ ।
मेयर काफ्लेले यस पटकको प्रतियोगितामा समय थोरै भएका कारण सवै खेललाई समावेश गर्न र व्यवस्थापनमा प्राविधिक समस्या भएपनि आगामी बर्षमा नगरपालिकाले शैक्षिक क्यालेण्डर झै खेलकुद क्यालेन्डर बनाएर हरेक खेलकुदलाई प्राथमिकता साथ अगाडि बढाउने प्रतिबद्धता जाहेर गरेका छन ।
कार्यक्रममा चन्द्रपुर नगरपालिका वडा नं. १ का वडा अध्यक्ष बलराम राउतले छोटो समयमा नगरपालिकाले तयार गरेको प्रतियोगितालाई सफल बनाउन विद्यालयहरुले देखाएको सदभाव र सहयोगको उच्च प्रशंसा गरेका छन ।
नगरपालिकाले खेलकुदलाई सधै प्राथमिकता राखेकै कारण हरेक खेलकुदले चन्द्रपुरमा प्रगतिको गरेको उनको धारणा छ ।
आगामी दिनमा चन्द्रपुर नगरपालिकाले खेलकुदका लागि सम्बन्धित निकायसंग समन्वय गरेर अगाडि बढ्ने वडा अध्ययक्ष राउतले बताए ।
कार्यक्रम आयोजना स्थल रहेको बागमती माध्यमिक विद्यालयले गरेको शैक्षिक सुधार, भौतिक सुधारको उनले खुलेरै प्रशंसा गरे ।
बागमती माध्यमिक विद्यालयले सरसफाई, भौतिक पूर्वाधार, अपांगमैत्री, बालबालिकाको स्वास्थ्यलाई समेत ध्यानमा राखेर गरेको कामले रौतहटमै नमुना विद्यालयको रुपमा अगाडि बढेकोमा खुसी व्यक्त गरेका छन ।
कार्यक्रममा शुभकामना मन्तव्य दिने क्रममा जनता आधारभूत विद्यालय व्यवस्थापन समितिका अध्यक्ष लक्ष्मण न्यौपानेले खेलकुद विनाको जीवन मानव जीवन सफल हुन नसक्ने भएकोले अनुशासन र खेलुकद एक अर्काकाको परिपुरक रहेको बताएका छन ।
शिक्षासंगै स्वास्थ्य, अनुशासन समेत प्रमुख अंगका रुपमा पर्ने भएकोले खेलकुदले अनुशासनलाई पालन गर्न बाध्य पार्ने भएकै कारण विद्यार्थीहरु सनै उमेरदेखि अनुशासित हुने उनको धारणा छ ।
कार्यक्रममा चन्द्रपुर नगरपालिकाका उपप्रमुख जयमाला कुमारी चौधरी, विभिन्न संघ संस्थाका प्रतिनिधि, अभिभावक, विभिन्न विद्यालयका शिक्षक लगायतको उपस्थिति रहेको थियो । कार्यक्रम बागमती माध्यमिक विद्यालय व्यवस्थापन समितिका अध्यक्ष यम बहादुर रानाको अध्यक्षतामा उदघाटन कार्यक्रम सम्पन्न भएको थियो ।

spot_imgspot_img
spot_img

लोकप्रिय

थप शिर्षकहरु