चन्द्रपुरमा दशैँ विशेष सांस्कृतिक कार्यक्रम हुने

रौतहट १८,भदौ । रौतहटको चन्द्रपुरमा  दशै बिशेष खुल्ला सांस्कृतिक कार्यक्रम हुने भएको छ । हिन्दूहरुको महान पर्व दशैको शुभ अवसरमा नव दिप युवा क्लवले सांस्कृतिक कार्यक्रम गर्ने भएको हो । ‘कला र संस्कृतिको जर्गेना गरौं’ भन्ने मुल नारा सहित कार्यक्रम असोज २४ गते सप्तमीको दिन हुने आयोजक नव दिप युवा क्लवका अध्यक्ष करण देवकोटाले बताए । सांस्कृतिक कार्यक्रममा कुनाकान्द्रामा लुकेका प्रतिभालाई उजागर गर्न र हौसला प्रदान गर्न कार्यक्रम गरिन लागेको अध्यक्ष देवकोटाको भनाई छ । सो कार्यक्रममा नेपाली संस्कृति झल्कने किसिमका गीत–संगित, नृत्य तथा नेपाली सांगितिक ब्याण्डका प्रस्तुतिहरु समेत समेटिने क्लवका सदस्य सफल उप्रेतीले जनाए ।