रौतहट,१२ भदौ //
निरन्तर परेको पानीले चन्द्रपुर नगरपालिकाको गैडाटार—चन्द्रनिगाहपुरमा सवारी आवतजावमा कठिनाई भएको छ ।
गैडाटार र चन्द्रनिगाहपुर बिचमा पर्ने चादी नदीमा बाढीको चाप बढेपछि विगत ३ दिनदेखि चन्द्रनिगाहपुरबाट गैडाटार र गैडाटारबाट चन्द्रनिगाहपुरमा सवारी साधनहरु आवतजवतमा अवरोध भएको हो ।
गैडाटारका स्थानियहरु अटो , मोटरसाइकल , भ्यान तथा सुमोका आवतजावत गर्ने गरेका थिए । तर केही दिनदेखि परेको बर्षाका कारण चादी नदीमा आएको बाढीले सवारी साधनहरु खोलामा नै रोकिदै आएको छ ।
गैडाटार र चन्द्रनिगाहपुरको सो चादी नदीमा पुल निर्माण कार्य समयमा नै सम्पन्न गर्न नसकेपछि स्थानियले सास्ति खेप्दै आएका छन ।
