रौतहट, १८ वैशाख/ मौलापुर नगरपालिकामा व्यायामशाला तथा योग केन्द्रकाे सामग्री खरीदमा अनियमितता भएको गुनासो छ।
मौलापुर नगरपालिकाका निमित प्रशासकीय अधिकृत रामबाबू साह र लेखापाल जयप्रकाश साहको मिलेमतोमा व्यायामशाला तथा योग केन्द्रको समानमा अनियमितता भएको गुनासो छ ।
२०७९ फागुन २ गते व्यायामशाला र योग केन्द्रको उद्घाटन भएको थियो।
व्यायामशाला र योग केन्द्रमा २० लाखको सामग्री राख्ने गरी सप्लायर्सको नाममा भुक्तानी पनि भइसकेको छ।
निमित्त प्रशासकीय अधिकृत साह र लेखा साहले उद्घाटनपछि सामग्री राखिने जानकारी गराएपनि अढाई महीना बितिसक्दा पनि सामान राखिएको छैन।
अधिकृत साहले रकम हिनामिनाको आरोप गलत रहेको सामान ल्याउन ढिला भएको बताएका छन्।
मौलापुर नपामा व्यायामशाला सामग्री खरीदमा अनियमितता भएको गुनासो
