रौतहट १२ असार। रिटर्नी फेडेरेशन नेपाल(आरएफएन)ले मदनभण्डारीको जन्म जयन्तीको अवसरमा असार १६ गते शनिवार “प्रशिक्षण तथा उधमशिलता बहस गर्ने भएको छ । मधेश प्रदेशका ८ वटै जिल्ला तथा नगरका नेतृत्वमा रहेका फेडेरेशनका नेता तथा अगुवा कार्यकर्तालाई संगठात्मक प्रशिक्षण दिईने मधेश प्रदेशका अध्यक्ष दिपक श्रेष्ठले जानकारी दिएका छन ।
सो कार्यक्रममा विदेशबाट फर्केपछि नेपालमा उधम गरिरहेका रिटर्नीहरु संगको अनुभव र स्वदेशमा गर्न सकिने उधम र स्वरोजगारलाई केन्द्रीत गर्दै “उधमशिलता बहस” गरिने भएको छ ।
आरएफएन मधेश प्रदेशको असार ८ गतेको बैठकले मधेश प्रदेशका ८ वटै जिल्लामा संगठन विस्तार गरिने निर्णय गरेको थियो ।
यही असार २० गते धनुषामा ५ सय बढि रिटर्नीहरुको सहभागितामा जिल्ला अधिवेशन गर्ने तय भएको छ । यसै गरि पर्सा, सर्लाही र धनुषा र महोत्तरीमा जिल्ला अधिवेशनको तयारी भईरहेको छ ।
रौतहट ,सप्तरी र बारा जिल्लामा नगर समितिहरु गठन गरिने तयारी रहेको छ । मधेश प्रदेशमा विभिन्न मुलुकमा गएर फर्केका नेपालीहरुलाई स्वदेशमै ज्ञान, सिप,पूँजी र जागरलाई स्वदेशमै प्रयोग गर्न विभिन्न कार्ययोजना बनाएर आरएफनले काम गरिरहेक छ ।
