रौतहट २३ साउन ।नेकपा एमाले रौतहटले बिभिन्न बिषय सुधारको माग राखी जिल्ला प्रशासन कार्यालय रौतहटमा ज्ञापन पत्र बुझाएको छ ।
मधेस प्रदेशलाई सुख्खा क्षेत्र घोषणा गर्नुपर्ने । पिडित किसानहरुलाई सम्बोधन हुने गरी तुरुन्त विशेष राहत प्याकेज घोषणा गर्नुपर्ने । किसानलाई सिचाइ तथा मलबाद सरल र सहज उपल्बधताको सुनिश्चिता गर्नुपर्ने । किसानले बैंकबाट लिएको ऋणको व्याज मिनाहा गर्नुपर्ने ।. लस्की स्किनबाट ज्यान गुमाएका पशुहरुको क्षतिपूर्ति तुरुन्त किसानहरुलाई प्रदान गर्नुपर्ने । लम्की स्किन विरुद्धको निःशुल्क पर्याप्त खोपको तुरुन्त व्यवस्था गर्नुपर्ने ।. लम्भी स्किन रोग निदान तथा नियन्त्रणको लागि दक्ष प्राविधिकहरु तुरुन्त परिचालन गर्नुपर्ने । सिंचाइको सुविधाको लागि डिप बोरिङ तथा अन्य वैकल्पिक उपायको व्यवस्था गर्नुपर्ने । किसानहरुका लागि निःशुल्क उन्नत विउविजनको व्यवस्था गर्नुपर्ने । कृषि विद्युतीकरणसँग आवद्ध भएका किसानहरुका लागि चौविसै घण्टा विद्युत आपूर्तिको व्यवस्था गर्नुपर्ने । किसानहरुको यो वर्षको सम्पूर्ण विद्युत महशुल मिनाहा गर्नुपर्ने । मधेस प्रदेशका ८ वटै जिल्लामा एक/एक वटा कृषि तथा पशु अनुसन्धान प्रयोगशालाको व्यवस्था हुनुपर्ने। गैर कानूनी रुपमा भइरहेको खोला उत्खनन तथा क्रसर उद्योग संचालनको नियमन गर्नु पर्ने १३ वटा माग राखेर ज्ञापन पत्र बुझाएको छ ।
ज्ञापन पत्र बुझाउन केन्द्रीय सदस्य अजय गुप्ता,रेखा कुमारी झा , जिल्ला संयोजक सचिदा नन्द साह, मधेश प्रदेशका सांसद सांसद जय चन्द्र प्रसाद पटेल, एमालेका जिल्ला तहका नेताहरु रुपेश पटेल प्रेमशंकर यादव,अन्शु सिंह, उपेन्द्र राय लगाएतका नेताहरु गएका छन ।
मंगलवार दिउसो जिल्ला प्रशासन कार्यालय रौतहट मार्फत नेपाल सरकारलाई ज्ञापनपत्र बुझाएको हो ।
नेकपा एमाले रौतहटका प्रचार बिभाग प्रमुख रुपेश पटेलले आम जनताको चासो र समस्या लाई मध्यनजर गरि ज्ञापन पत्र बुझाएको बताएका छन ।
