बारा ६ भदौ । जितपुर सिमरा उपमहानगरपालिका–१६ मा दुर्घटना हुँदा तीन जनाको मृत्यु भएको छ ।
शनिबार राति साढे १० बजे दुई वटा मोटरसाइकल ठोक्किँदा तीन जनाको मृत्यु भएको प्रहरीले जनाएको छ ।
प्रदेश २, ०३–००२ प ५३ ३५ नम्बरको मोटरसाइकल र बा ६५ प २७ ५६ नम्बरको मोटरसाइकल ठोक्किँदा मोटरसाइकलका चालकहरु नुवाकोटका ४० वर्षीय टुलुराज तामाङ र बाराको निजगढ नगरपालिका–९ का १६ वर्षीय विकास साहको मृत्यु भएको छ ।
५३३५ नम्बरको मोटरसाइकलको पछाडि बस्ने ३५ वर्षीया सुनैनादेवी साहको पनि मृत्यु भएको इलाका प्रहरी कार्यालय निजगढले जनाएको छ ।
