काठमाडौं, २३ साउन // पछिल्लो २४ घण्टामा थप ३ हजार २ सय १८ जनामा कोरोना भाइरसको संक्रमण पुष्टि भएको छ ।
देशभर ८ हजार ६६ जनाको आरटी–पीसीआर गर्दा २२सय ३१ जना र ४ हजार ७ सय ७ जनाको एन्टिजेन परीक्षण गर्दा ९सय ८७ जना गरी ३ हजार २ सय १८ जनामा संक्रमण पुष्टि भएको हो ।
नेपालमा कोरोना भाइरसबाट संक्रमित हुनेको संख्या ७ लाख १२ हजार ७ सय ४० जना पुगेको छ ।
पछिल्लो २४ घण्टामा नेपालमा कोरोना भाइरस संक्रमणका कारण १९ जनाको मृत्यु भएको छ
स्वास्थ्य तथा जनसंख्या मन्त्रालयका अनुसार कोरोना भाइरसबाट संक्रमणमुक्त हुनेको संख्या ६ लाख ६७ हजार २ सय ७० जना पुगेको छ ।
