रौतहट , २८ फागुन //
रौतहटको चन्द्रनिगाहपुरको मोथियाही स्थित सडकखण्डमा बम आकृतिको संकास्पद वस्तु फेला परेको छ ।
राजमार्गको बिचमा माथिबाट टायल्सले थिचेर तल कपडाको टालोले बेरेर राखिएको अवस्थामा संकाष्पद वस्तु फेला परेको हो ।
शनिबार बिहानै राजमार्गको बिचमा उक्त वस्तु देखिएपछि स्थानीयले प्रहरीलाई खबर गरेका थिए ।
अहिले सो स्थानलाई सुरक्षाकर्मीले नियन्त्रणमा लिएर आवतजावत बन्द गरेको छ । राजमार्ग भएर गुड्ने सवारीहरुलाई बेतौना हुँदै डाइभर्सन गरिएको जिल्ला ट्राफिक प्रहरी कार्यालयले जनाएको छ ।
संकास्पद वस्तु के हो ? र, कसले राखेको हो अहिलेसम्म नखुलेको इलाका प्रहरी कार्यालय चन्द्रनिगाहपुरका प्रहरी प्रमुख लिलाराज लामिछानेले जानकारी दिए ।
वस्तु बम रहेको नरहेको भन्ने बारे यकिन हुन नसकेको र नेपाली सेनाको बम डिष्पोजल टोलीलाई खबर गरिसकेको उनले बताए ।
बाकि जानकारी आउन बाकी रहेको प्रहरीले जनाएको छ।
