सिरहा ,१८ भदौ//
करेन्ट लागेर सिरहामा एक युवकको मृत्यु भएको छ ।मृत्यु हुनेमा जिल्लाको नरहा गाउँपालिका ५ का स्थानिय २२ बर्षिय सुनिल यादव रहेका छन् ।
घरमै रहेको पानी तान्ने मोटरको तार विद्युतीय बोर्डमा जोड्ने क्रममा करेन्ट लागेर यादवको मृत्यु भएको जिल्ला प्रहरी कार्यालय सिरहाले जनाएको छ ।
करेन्ट लागेर घाइते भएका यादवलाई तत्काल सिरहाको धनगढीमाई नपा ९ स्थित आरके मेरीसीटी अस्पताल पुर्याइए पनि चिकित्सकले मृत घोषणा गरेको प्रहरीले जानकारी दिएको छ ।
प्रहरीका अनुसार शव पोष्टमार्टमका लागि लहान अस्पतालमा राखिएको छ ।
